Чулман

НХТИның чит телләр кафедрасы мәктәп укучыларын инглиз теле курсларына чакыра! 👧🧑3-11 сыйныфлар — дәресләр атнага ике тапкыр, 14.00–18.00 сәгатьтә (сыйныфка бәйле рәвештә). 💰Бәясе: • айга 4800 сум (8 дәрес) — гомуми инглиз теле; • айга 5400 сум — ОГЭ, ЕГЭ (укытучы-экспертлар). 📍Дәресләр уза: • «А» корпусында (Төзүчеләр проспекты, 47); • «В»корпусында (Җиңүнең 30 еллыгы урамы, 5А). ✅ Укыту программаларының лицензиясе бар — 13%ны кайтарырга мөмкин. 👪Ана капиталыннан түләргә була. 🎓НХТИ сертификаты тапшырыла. 🔗Тулырак сылтамада

Муллык бәйрәме 🌾Шина комплексының ветераннар советы пенсионерларны Уңыш бәйрәменә җыйды. 👥Матур традициягә әйләнгән бу чарада катнашырга теләүчеләр күп булган. Араларында узган елларда катнашучылар да, быел килеп кушылганнар да бар. 🍎Өстәлләр көз нигьмәтләреннән сыгылып тора: җиләк-җимеш, яшелчә, чәчәк бәйләмнәре белән бизәлгән кәрзин-вазалар, камыр ризыклары, консервланган яшелчә, маринадланган гөмбә, кайнатмалар, эчемлекләр... Шунда ук яшелчә, җиләк-җимешләрне үстерү серләре белән дә уртаклашты, бер-берсенә осталык дәресләре дә бирде шинчы пенсионерлар. 👨‍🌾Алар өчен чын бәйрәм, аралашу, тәҗрибә уртаклашу булды бу чара. Шундый осталар бар икән, аның дәвамлы булачагына шик юк. #KAMATYRES #ВетераннарСоветы #УңышБәйрәме #Осталар

Кадрлар сәясәте: яшьләр шина комплексын сайлый «Кама» фәнни-техник үзәгендә студентларның ике ай дәвам иткән җәйге стажировкасы тәмамланды. 🔬КФУ, КНИТУ, НХТИ һәм УУНиТта белем алучылар өчен ул шина комплексы белән танышу гына түгел, Россиянең зур шина комплексы эшенә чуму да булды. Быелгы конкурсны студентларның алтысы үтте. Булачак инженерлар, технологлар, конструкторлар рецептуралар эшләү, шиналар модельләштерүдә катнашты, предприятиеләр эше белән танышты. 🎤 Утырышта фәнни-техник үзәк директоры Марат Хафизов чыгыш ясады: «Безгә хезмәткәрләр түгел, ә максатларыбызны аңлаучы, бурычларны тормышка ашыруда безнең белән бер сафта атларга әзер булган белгечләр кирәк», — диде директор Марат Хафизов. 📊Үзәкнең баш белгече Наталья Шабалина программаның 90%тан артыгы үтәлүен әйтте. Беренче стажировкадан соң өч студент компаниягә әйләнеп кайткан. Аларның икесе Мәскәүдән, бер студент кыз шина комплексына тормыш иптәше белән килгән. Студентлар беравыздан биредә алган тәҗрибәне югары бәяләделәр. Мәсәлән, Елизавета Францкевич (НХТИ) коллективта яхшы каршылауларын, остазларының барысын да яхшы аңлатуларын, сорауларга җентекле җавап бирүләрен әйтте. Елизавета Пономарева (КНИТУ) үзәк белән танышуның уңай тәэсирләр калдыруын билгеләп үтте. Икенче тапкыр стажировка узарга килгән Җәмил Ибраһимов (УУНиТ) яңа коллегаларына булышкан. Карина Соколова (КФУ) шинчылар династиясен дәвам итәргә булган. 🤝Очрашу ахырында студентларга истәлек бүләкләре тапшырдылар, үзәктә көтеп калуларын әйттеләр. #KAMATYRES #НТЦ #Стажировка #КадрларСәясәте #Студентлар

Игътибар: вакытлыча үзгәреш 3 сентябрьдән 10сына кадәр 4Г маршрут автобусларының сәнәгать зонасына барганда хәрәкәте вакытлыча үзгәрә. Хәрәкәт итү маршруты: Студентлар урамы, 34 - Лагуна - аннары Химиклар проспектыннан 4нче маршрут буенча.